Malidə “Vaqner”in döyüşçüləri pusquya salınıb, 20-dən çoxu öldürülüb, yaralıları əsir götürüblər

Afrika ölkəsi olan Malinin şimalında Vaqner PMC və Mali silahlı qüvvələrinin muzdlu əsgərlərindən ibarət bir kolonna tuareqlər tərəfindən pusquya salınıb.

Ens.az Apa.az-a istinadən xəbər verir ki,bu barədə telegram kanallarında məlumat yayılıb.

Məlumata görə, hücum nəticəsində qruplaşma 20 nəfərdən 50 nəfərə qədər itki verib. Tuareglər avtomobilləri və zirehli texnikaları ələ keçirdilər.

Hücum Əlcəzairlə sərhəddə yerləşən Tinzauaten şəhəri yaxınlığında baş verib.

Vaqner qrupu ilə əlaqəli media resursları, eləcə də Rusiya hərbi müxbirləri də Malidə özəl hərbi şirkətin itkiləri barədə məlumat veriblər. Onların məlumatlarına görə, Mali ordusu ilə birgə əməliyyat zamanı Vaqner PMC-nin döyüşçülərindən ibarət bir kolonna tuareqlər tərəfindən pusquya salınıb. Bir neçə texnika, həmçinin rus qırıcılarını əhatə etməyə çalışan Mi-24 helikopteri vurulub. Ən azı 20 vaqnerit öldürülüb, tuareglər də yaralıları əsir götürüblər.

Tuareglər 100 ildən artıqdır müstəqil dövlət yaratmaq uğrunda müharibə aparan döyüşkən Afrika tayfalarından biridir. Uzun müddət əvvəl fransızlar Sahara səhrasındakı ərazilərini bir neçə koloniyaları: Mali, Niger, Mərakeş və Əlcəzair arasında böldülər. Demək olar ki, o vaxtdan bu tayfa öz dövlətçiliyinə nail olmağa çalışır.

Qeyd edək ki, bununla belə, tuareglər arasında radikal islamçılar da var. Belə ki, ilkin məlumatlara görə, Vaqner konvoyuna və Mali ordusunun əsgərlərinə edilən hücuma görə məsuliyyəti məhz İslam Məqribində Əl-Qaidə cihadçı qruplaşması öz üzərinə götürüb.

"Vaqner" Özəl Hərbi Kampaniyası (ÖHK) ən azı 2021-ci ildən Malidədir və hökumət qüvvələrinin tərəfində fəaliyyət göstərir.