Məhəmməd Füzuli - Leyli və Məcnun/Öylə sərməstəm ki, idrak etməzəm dünya nedir

Öylə sərməstəm ki, idrak etməzəm dünya nədir, 
Mən kıməm, saqi olan kimdir, meyü səhba nədir. 
Kərçi canandan dili-şeydam üçün kam istərəm, 
Sorsa canan bilməzəm kami-dili-şeyda nədir.
Vəsldən çün aşiqi müstəğni eylər bir vüsal, 
Aşiqə məşuqdən hərdəm bu istiğna nədir? 
Hıkməti-dünyavü mafihə bilən arif deyil,
Arif oldur bilməyə dünyavü mafihe nədir.
Ahü fəryadım, Füzuli, incidibdir aləmi,
Gər bəlayi-eşq ilə xoşnud isən, qovğa nədir?