Məzahir Pənahov seçkidə qələbə qazanmayanların etirazını təbii sayır

“Etiraz etmək hər kəsin haqqıdır”.

APA-nın məlumatına görə, bunu Mərkəzi Seçki Komissiyasının (MSK) sədri Məzahir Pənahov MSK-nın bu gün keçirilən iclasında deyib. 

M. Pənahov bildirib ki, seçkilərdə qələbə qazanmayan namizəd etiraz etməlidir və bu, təbiidir: “Seçilən namizədin etiraz etməsi təəccüblü olardı".

O, MSK-nın binası qarşısında keçirilən aksiyaya da münasibət bildirib. MSK sədri qeyd edib ki, həmin aksiya Azərbaycanda ictimai-siyasi münasibətlərin sivil qaydada olduğunu göstərdi.