Mikelancelo qan-damar xəstəliklərini həkimlərdən yüz il əvvəl bilirdi

Alimlər belə bir nəticəyə gəliblər ki, o, insanın qan dövranı sistemi ilə bağlı həqiqətləri həkimlərin bundan əvvəl yüz il əvvəl bilib.

Ens.az xəbər verir ki, bunu Davidin boynundakı açıq şəkildə təsvir olunan şah damar şəkli təsdiqləyir. Amerikalı kardioloq doktor Daniel Helfman Florensiyada olarkən dünyaca məşhur Davidin heykəlini araşdırdı. O, 1501-1504-cü illərdə yaradılıb. Helfman xüsusi üsulla onun boynunda şah damarını açıq şəkildə gördü. Davidin şah damarı körpücük sümüyündən azacıq yuxarıda açıq görünür. Onun şəkli çox realistdir.

Damar gərgin və öz həyatını riskə atmağa hazır olan bir adamda olduğu kimi genişlənib. Şedevrin yarandığı dövrdə həkimlər qan dövranı sisteminin mahiyyəti haqqında heç bir məlumata malik deyildilər. O, 1628-ci ildə ingilis həkim Uilyam Harvi tərəfindən kəşf edildi. Helfman bəyan edib ki, hətta bu gün qan dövranı sisteminin bu xüsusiyyəti haqqında ancaq kardiologiya sahəsində dərin biliyə sahib olanlar bilir.

İnsan bədəninin realist şəkli üçün rəssam və heykəltəraşlar insan anatomiyası haqqında biliklərə malik olmalıdırlar. Hesab olunur ki, intibah mədəniyyəti dövrünün rəssamlarının əksəriyyəti orqanizmin necə işlədiyini daha yaxşı anlamaq üçün həkimlərin işini müşahidə edirdilər.

Mikelancelonun işlərindəki digər dəlillər də onun qan dövranı sisteminin xüsusiyyətləri ilə tanış olduğunu sübut edir. Onun Romadakı papa türbəsini bəzəyən Musa heykəlində də şişmir bir damar görünür. Helfman hesab edir ki, 500 ildən çox bir dövrdə intibah dövrü şedevrində genişlənmiş damarı ilk dəfə aşkar edib. News Today xəbər verir ki, o, bu xüsusiyyəti “Davidin nişanəsi” adlandırıb.