Muxayıl Göyçəli - Dolanmasın
Qadir Allah, budu səndən diləyim:
Tərlan oylağında sar dolanmasın.
Ayırma vətəndən, tayı-tuşumdan,
Yaralı sinəmdə nar dolanmasın.
Əzəldən arifdim, olmuşam naşı,
Nadan havalanıb yolundan çaşı.
Qoy düşsün başına dağların daşı,
Namərd qapısında var dolanmasın.
Muxayılam, gözəli gördüm ötəri,
Bilmirəm huridi, yoxsamı pəri.
Bülbüllər ötüşür güldən ötəri,
Gülün yarpağında sar dolanmasın.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət