NATO-nun xərci Rusiyadan buna görə çoxdur

NATO Baş katibi Yens Stoltenberq niyə alyansın öz fəaliyyəti üçün böyük maliyyə vəsaiti ayırmasına aydınlıq gətirib.

Axar.az xəbər verir ki, Stoltenberq alyansın bu qədər çox xərclərinin səbəbinin NATO ölkələrinin həyat səviyyəsi və qiymətlərlə bağlı olduğunu bildirib.

“Əgər NATO və Rusiyadakı maaşları və xərcləri müqayisə etsək, o zaman bizim xərclərimizin səviyyəsinin yüksək olduğunu görəcəyik. Bununla belə bu, daha az effektivlik anlamına gəlmir. Biz lazım gəldiyi qədər investisiya edəcəyik ki, etibarlı müdafiəni təmin edək”, - o deyib.