Nəsimi-Binəqədi seçki dairəsinin 27 saylı seçki məntəqəsinin 22 seçicisi daşınar seçki qutusu vasitəsilə səs verəcək

Səhər saatları olmasına baxmayaraq məntəqə üzrə seçici fəallığı yüksəkdir.

Ens.Az-ın məlumatına əsasən,bunu AZƏRTAC-a açıqlaması zamanı, 21 saylı Nəsimi-Binəqədi seçki dairəsinin 27 saylı seçki məntəqəsinin sədri Fatma Sofiyeva bildirib.

Onun sözlərinə görə, məntəqə üzrə 1261 seçici var ki, onlardan 6 nəfəri vəfat edib, 12 nəfəri isə qeydiyyatdan çıxma vəsiqəsi alıb.

“Yaşı 80-dən yuxarı olan 12 seçici var. 22 seçici üçün isə evdə səsvermə imkanı yaradılıb. Onlar əlilliyi olan şəxslər və yaşlı insanlardır. Həmin şəxslər üçün səyyar qutu göndəriləcək. Məntəqədə veb-kameralar quraşdırılıb. İstənilən şəxs seçki prosesini canlı izləyə bilər”, - deyə F.Sofiyeva qeyd edib.