Növbəti yumşaldılmada rayonlara gediş-gəliş bərpa oluna bilərmi?- AÇIQLAMA

Növbəti yumşaldılmada rayonlara gediş-gəliş bərpa oluna bilərmi?- AÇIQLAMA

"Bu məsələ nəzərə alınmalıdır. Biz bu haqda bir qrup həkim, alim yığışıb Operativ Qərargaha təkliflər layihəsi hazırlamışıq. Təqdim edilən yazıda rayonlara gediş- gəlişlə bağlı birmənalı şəkildə icazə verilməli olduğu qeyd olunub".

Ens.az xəbər verir ki, bunu Sonxeber.az-a tibb üzrə fəlsəfə doktoru, uroloq-androloq Vasif İsmayıl deyib:

"Bu gün real danışımalıyıq. Nələrə nəzarət edə və sistem qura biləcəyimizi bilib ona görə davranmalıyıq. İnsanlara şəxsi maşınlarla rayonlara gedib- gəlməsinə icazə verilməlidir. Heç bir nəzarət lazım deyil. Yoluxmaların təsbit edildiyi yerlər var, dövlət buna nəzarət edə bilər. Biz həkimlər ictimai nəqliyyatla rayonlara gedilməsini tövsiyyə etmirik. Çünki, avtobusda insanların eyni məkanda olması təhlükəlidir. Bunun əvəzinə onlar şəxsi maşınlarla gedə bilərlər".