Ozan İbrahim - Üstündə
Sübh ikən sübhanə düşdüm,
Baş qoydum ocaq üstündə.
Dəryayi-ümmana düşdüm,
Şam gördüm çıraq üstündə.
Bulundum dağda, aranda,
Qibleyi-ərzim Turanda.
İmanım, dinim Quranda,
Haqq yolum torpaq üstündə.
Qəmli ozan, üzüm gülməz,
Gələn - gedər, gedən gəlməz.
Sar yuvama qona bilməz,
Ayağım torpaq üstündə.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət