Qadınları nazir olmayan ölkələr

Siyasətdə qadınlar və kişilərin bərabərliyi çoxdan bir sıra beynəlxalq sənədlərdə bəyan edilir. Yeniavaz.com-un məlumatına görə,bura BMT Baş Assambleyasının 1979-cu ildə qəbul etdiyi Qadınlara qarşı diskriminasiyanın bütün formalarının ləğv edilməsi haqqında konvensiya və 1995-ci il tarixli Qadınların vəziyyəti üzrə ümumdünya konfransın Pekin bəyannaməsi daxildir. Lakin hədəflərə doğru addımlar çox zəif atılır. Belə ki, Parlamentlərarası İttifaq və "BMT-qadınlar" təşkilatının apardığı son araşdırmaya əsasən, bütün dünya parlamentarilərin yalnız 24,3 faizi (2019-cu il yanvarın 1-nə olan məlumata görə) qadındır. 1995-ci ildən artım 13 faiz təşkil edib.

Parlamentdə qadınların payı üzrə lider ölkələr:

Ölkə                                            Yer tuturlar                                     %
1. Ruanda                                   80-dən 49-u                                 61,3
2. Kuba                                       605-dən 322-i                               53,2
3. Boliviya                                   130-dan 69-u                                53,1
4. Meksika                                  500-dən 241-i                               48,2
5. İsveç                                       349-dan 165-i                               47,3

Mənbə: BMT-nin Women in politics-2019 məruzəsi, 1.01.2019 tarixinə olan məlumata görə

Qərb yarımkürəsinin ölkə parlamentlərində qadınların payı 30,7 faizdir. Bu, maksimum göstəricidir. Avropa üçün göstərici 28,5 %, Afrika üçün 23,7 %, Asiya üçün 19,6%, Sakit okean regionu üçün 18,4% və Yaxın Şərqlə Şimali Amerika üçün isə 18,1% təşkil edir.
 
İcra hakimiyyətinə gəlincə, burada İspaniya, Nikaraqua və İsveç liderlik edirlər.
 
Hökumətdə qadınların payı üzrə lider ölkələr:

Ölkə                                           Nazir vəzifəsini tuturlar                %
1. İspaniya                                 17-dən 11-ni                                64,7
2. Nikaraqua                              18-dən 10-nu                              53,2
3. İsveç                                      22-dən 12-ni                               54,5
4. Albaniya                                15-dən 8-ni                                  53,3
5. Kolumbiya                             17-dən 9-nu                                 52,9

Mənbə: BMT-nin Women in politics-2019 məruzəsi, 1.01.2019 tarixinə olan məlumata görə

Bir çox ölkədə qadınlar sosial yönümlü nazirliklərə başçılıq edirlər. Lakin vəziyyət getdikcə dəyişir. Belə ki, 2017-ci ildən müdafiə nazirləri olan qadınların sayı 30%, maliyyə nazirləri olan qadınların sayı 52,9% və xarici işlər nazirləri olan qadınların sayı 13,6% artıb.
 
Yalnız kişi nazirlərin olduğu ölkələr də var. Onlar Azərbaycan, Beliz, Bruney, İraq, Kiribati, Litva, Papua-Yeni Qvineya, Sent Vinsent və Qrenadin, Səudiyyə Ərəbistanı, Tailand və Vanuatudur. Qadın dövlət başçıları 152 ölkədən onundadır (seçilənlər nəzərdə tutulub), hökumət başçıları isə 193 ölkədən onundadır.