'Qayğı qutusu': Sahibsiz heyvanlar üçün ianələr edilir
Azərbaycanda sahibsiz heyvanlarla bağlı “Qayğı qutusu” adlı yeni layihəyə başlanılıb.
Ens.az “Report”-a istinadən xəbər verir ki, layihə əsasında ölkənin müxtəlif ərazilərində “Qayğı qutu”ları yerləşdirilir və insanlar tərəfindən həmin qutulara heyvanların qidalanması üçün ianələr edilir.
Layihəyə könüllü qoşulan iştirakçılar isə öz yaşadıqları ərazilərdə yerləşdirilən həmin qutulardakı ianələri təhvil alaraq sahibsiz heyvanları qidalandırırlar.
Qeyd edək ki, qutulara heyvanların yeyə biləcəkləri, onların sağlamlığına zərərli olmayan qidaları yerləşdirmək lazımdır.
“Report” layihəyə könüllü qoşulan iştirakçılardan birinin gündəlik olaraq hansı formada sahibsiz heyvanlara qayğı göstərməsi ilə tanış olub. Layihənin könüllü iştirakçısı Alina Aslanova yaşadıqları ərazidə olan sahibsiz itlərə mütəmadi olaraq gündə iki dəfə qida verdiyini bildirib.
Şərhlər
Şərhləri göstər Şərhləri gizlət