Rusiya, Çin və ABŞ rəhbərləri - Vladimir Putin, Si Cinpin və Donald Trampın üçtərəfli görüşünün nəticəsi olaraq sülhə dair Birgə Bəyannamə qəbul edilib.
Ens.az Oxu.az-a istinadən xəbər verir ki, bu barədə Kremlin rəsmi saytına istinadən xəbər verir.
"ABŞ və Rusiya liderləri bu mühüm üçtərəfli görüşün yüksək səviyyədə təşkilinə görə Çin tərəfinə təşəkkürlərini çatdırıblar. Dövlət başçıları hazırkı qlobal vəziyyəti ətraflı müzakirə edərək, beynəlxalq təhlükəsizliyin və strateji sabitliyin qorunmasına sadiq olduqlarını vurğulayıblar", - deyə məlumatda bildirilir.
Qəbul olunmuş bəyannamədə liderlər tərəfindən təsdiqlənən bir neçə əsas prinsip öz əksini tapıb:
- BMT Təhlükəsizlik Şurasının daimi üzvləri kimi ABŞ, Çin və Rusiya islahatlara sadiq olduqlarını ifadə ediblər. Bu islahatlar BMT-nin qlobal çağırışlara daha səmərəli cavab verməsini və beynəlxalq sülh sahəsindəki əsas missiyasına uyğun fəaliyyət göstərməsini təmin etməlidir;
- Hər üç dövlət bütün dünya ölkələrinin rifahı naminə neft emalı məhsullarının istehsalını və tədarükünü artırmağı planlaşdırır. Onlar enerji təchizatında sabitliyin qorunmasının vacibliyini təsdiqləyiblər;
- Liderlər dövlətlərin razılığı prinsipinin və rəsmi şəxslərin toxunulmazlığına riayət olunmasının müstəsna əhəmiyyət daşıdığını qeyd edərək, Beynəlxalq Cinayət Məhkəməsi və digər oxşar qurumların öz səlahiyyətlərindən sui-istifadə etməməli olduğu ilə razılaşıblar;
- Dövlət başçıları nüvə müharibəsində heç kimin qalib gələ bilməyəcəyini və onun heç vaxt başlanmamalı olduğunu bir daha bəyan ediblər. Üç ölkə nüvə silahının yayılmasının qarşısının alınması və nüvə risklərinin azaldılması istiqamətində dialoqu davam etdirəcək.





Şərhlər
Hələ təsdiqlənmiş şərh yoxdur.
Şərh yazın
Şərh yazmaq üçün hesabınıza daxil olun və e-poçtunuzu təsdiqləyin.