Rusiya Kiyevə “Xəncər”lə zərbə endirdi
Martın 21-də səhər saatlarında Rusiya ordusu “Xəncər” aeroballistik raketləri ilə Kiyevə hücum edib.
Axar.az yerli mediaya istinadla xəbər verir ki, bu barədə Kiyev meri Vitali Kliçko məlumat yayıb.
Paytaxtın üç rayonuna raket parçaları düşüb, evlərə və uşaq bağçalarına ziyan dəyib, avtomobillər yanıb.
Kiyev şəhər hərbi administrasiyasının məlumatına görə, Rusiyanın hücumu zamanı Kiyev və paytaxt ərazisində hava hücumundan müdafiə qüvvələri və digər vasitələrlə düşmənin 30, o cümlədən ballistik raketlərini vurulub.
Hücum nəticəsində on nəfər yaralanıb. Onlardan ikisi xəstəxanaya aparılıb. İrimiqyaslı hava hücumları nəticəsində mülki şəxslərin həlak olduğu da qeyd edilir.
Məlumata görə, Kiyevə sonuncu raket hücumu 44 gün əvvəl olub.
Şərhlər
Şərhləri göstər Şərhləri gizlət