Rusiyada fabrikdə baş verən yanğında 3 nəfər ölüb

Rusiyanın Voronej şəhərində elektromexanika zavodunda baş verən yanğın nəticəsində 3 nəfərin öldüyü, 2 nəfərin yaralandığı bildirilib.

525.az xarici KİV-ə istinadən xəbər verir ki, Rusiya Fövqəladə Hallar Nazirliyinin verdiyi açıqlamaya görə, Voronej şəhərində elektrik avadanlıqları istehsal edən zavodda yanğın baş verib.

Yanğın zamanı 3 nəfər ölüb, 2 nəfər xəsarət alıb.

Hadisə yerinə axtarış-xilasetmə qrupları göndərilib.

Qeyd edək ki, yanğının söndürüldüyü, başvermə səbəblərinin araşdırıldığı bildirilib.