Şair Əbülfət - Ey əmi
Mən fələkdən gileyliyəm
Əzəl başdan, ey əmi!
Gözlərimdə nur qalmadı
Axan yaşdan, ey əmi!
Bayquşların bayramıdı
Dünya binnət olandan;
İnsan oğlu cana gəldi
Boş təlaşdan, ey əmi!
Vəsiyyətim səndə qalsın
Əhdi-peyman eşqinə.
Allah özü sirr açmayıb,
Açma, Quran eşqinə!
Uçurmuşam könül quşun
Sirri-sübhan eşqinə;
Gözləyirəm mətləbimi
Qara daşdan, ey əmi!
Müxtəsəri, mən də deyim,
Çoxdu küsən dünyada;
Bəxtinə qane olub,
Varmı susan dünyada!?
Dərdü qəmə mübtəladı
Ağlı kəsən dünyada;
Əbülfətin ağlı çaşıb,
Gedib huşdan, ey əmi!
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət