Salyanda 1 gündən çox elektrik dirəyində qalan pişik xilas edilib
Salyan rayonunda köməksiz vəziyyətdə qalan pişik xilas edilib.
“Report”un Aran bürosu xəbər verir ki, bu maraqlı hadisə rayonun Şorsulu kəndində baş verib.
Sahibsiz itlərdən xilas olmaq üçün elektrik dirəyinə dırmaşan pişik 1 gündən çox ac-susuz köməksiz vəziyyətdə qalıb. Onun səsini eşidən kənd sakinləri həmin əraziyə gəliblər.
Heyvanın xilası üçün Salyan Elektrik Şəbəkəsinin Şorsulu kəndi üzrə elektriki Həsən Hüseynov hadisə yerinə çağrılıb. Təhlükəsizliyi təmin etmək məqsədi ilə əvvəlcə elektrik verilişi dayandırılıb, sonra elektrik dirəyə çıxıb və pişiyi heç bir xəsarət yetirmədən aşağı düşürüb. Xilas olunan pişik küçəyə buraxılıb.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət