Şarl Mişel müdafiə üzrə ayrıca Avropa komissarının lazım olacağuna şübhə ilə yanaşır

Avropa Şurasının prezidenti Şarl Mişel hesab edir ki, Avropa Komissiyasında sənaye və müdafiə üzrə komissar yoxdur, yalnız müdafiəyə diqqət yetirəcək yeni komissarın tətbiqi Aİ sazişlərinə dəyişikliklər tələb edir.

Ens.az Bizimyol.info-a istinadən xəbər verir ki, o, bu barədə "Corriere della Sera" qəzetinə müsahibəsində Avropa Komissiyasının rəhbəri Ursula fon der Leyenin belə bir mövqe təqdim etmək təklifi ilə bağlı müvafiq suala cavab verərkən deyib.

“Artıq müdafiə sənayesi üzrə komissarımız var, bu Thierry Bretondur, o, daxili bazara, o cümlədən müdafiə sənayesinə cavabdehdir. Bundan əlavə, Lissabon Müqaviləsi müdafiə məsələlərində Ali Nümayəndə Xarici İşlər və Təhlükəsizlik Siyasəti üzrə işlərdə rolunu çox aydın şəkildə təmin edir. Əgər kimsə müqavilənin dəyişdirilməsi ilə bağlı təklif irəli sürərsə, üzv ölkələrin dəstəyi tələb olunacaq”, - deyə o, müsahibəsində qeyd edib. Mişel bidirib ki, Avropa “ortaq maraqları qorumaq üçün” ümumi müdafiəyə ehtiyac duyur.

Şarl Mişeldə fərqli olaraq, Münhen Təhlükəsizlik Konfransında çıxış edən Von der Leyen bildirib ki, Avropa Komissiyasının növbəti tərkibində Avropa İttifaqının tarixində ilk dəfə olaraq müdafiə üzrə Avropa komissarı vəzifəsi yer almalıdır. Avropa İttifaqı yaradılandan bəri Avropa Komissiyasında belə bir post mövcud olmayıb.