Səngəçal və Goran stansiyalarında 17 ədəd yoldəyişən qurğu dəyişdirilir

Səngəçal və Goran stansiyalarında 17 ədəd yoldəyişən qurğu dəyişdirilir

Dəmir yolunda əsaslı təmir prosesinin növbəti mərhələsi davam edir və Bakı-Böyük Kəsik istiqamətində 600 km yol əsaslı təmir olunur. Eyni zamanda 2016-cı ilin sentyabr ayından etibarən 5 və 11 saylı İDYM MMC-lər tərəfindən yeni yoldəyişənlərin quraşdırılması həyata keçirilir.

Azərbaycan Dəmir Yolları QSC-dən Trend-ə verilən məlumata görə, hazırda Səngəçal və Goran stansiyalarında 17 ədəd yeni yoldəyişən qurğu quraşdırılır. İşlər mərhələli şəkildə davam etdiriləcək.

 

Xatırladaq ki, ilk belə yoldəyişən 9 sentyabr 2016-cı ildə quraşdırılıb və bu günə kimi 209 yoldəyişən yenisi ilə əvəz olunub.