Səudiyyə Ərəbistanında müəllim uşaqlardan kömək üçün şeytana müraciət etmələrini təklif etdi
Səudiyyə Ərəbistanında prokurorluq ibtidai sinif şagirdləri üçün testdə şeytanı tərifləyən məktəb müəllimini 40 günlük vəzifəsindən uzaqlaşdırdı.
Ens.az xəbər verir ki, İbtidai sinif müəllimi testdə “(kömək üçün) Allaha sığınıram” ifadəsində Allah adını “şeytan” sözü ilə əvəz edərək müsəlmanların ilahi qoruma və himayə üçün duasını kobud şəkildə təhrif edib. IslamNews-un GulfNews-a istinadən verdiyini xəbərdə bildirilir ki, kömək üçün şeytana müraciət etmək məsləhəti uşaqlar, onların valideynləri və məktəb rəhbərliyinin diqqətindən kənarda qalmadı.
Testlər metodik materiallardan çıxarıldı, müəllim isə işdən kənarlaşdırıldı. Səudiyyə Ərəbistanının hüquq-mühafizə orqanları istintaq başlatdı və məlum oldu ki, müəllimin bir neçə məhkumluğu var.
“Onun əxlaqsızlıq və narkotik maddə ilə məhkum edilməsi üzrə 10 işi var”, - rəsmilər bildirib.
İstisna deyil ki, cinayət cəzası ilə yanaşı onun psixiatriya xəstəxanasında məcburi müalicə ilə təhdid edilməsi də mümkündür.
Şərhlər
Şərhləri göstər Şərhləri gizlət