Solmaz İsrafilzadə Gürcüstanda “Əməkdar alim” fəxri adına layiq görülüb

Əziz Əliyev adına Həkimləri Təkmilləşdirmə İnstitutunun professoru Solmaz İsrafilzadə Gürcüstanda “Əməkdar alim” fəxri adına layiq görülüb.

AZƏRTAC xəbər verir ki, azərbaycanlı alim bu ada tibb elminə verdiyi töhfələrə görə layiq görülüb.

Tbilisidə keçirilən “Akuşer, ginekoloq və perinatoloqların ikinci beynəlxalq konfransı”nda mükafat və xatirə hədiyyəsi S.İsrafilzadəyə təqdim olunub.

Bildirilib ki, alim akuşer, ginekologiya və digər sahələrə dair 350-dən çox elmi məqalənin, dəyərli monoqrafiyaların müəllifidir. Onun elmi təhqiqat işləri təkcə ölkəmizdə deyil, dünyada məşhurdur.

Xətayi Əzizov

AZƏRTAC-ın xüsusi müxbiri

Tbilisi