Stressi azaldan maraqlı üsul

Müasir insanın həyatı streslərlə doludur. Çoxsaylı araşdırmalar stressin insan sağlamlığı üçün çox ziyanlı olduğunu təsdiq edib.

Təsdiq olunub ki, xroniki stress bir çox xəstəliklərin inkişafına (ürək-damar, endokrin, sinir, mədə-bağırsaq, şiş və s.) təkan verir.

Mütəxəssislər stressi azaltmaq üçün üsullar axtarır. Növbəti araşdırma göstərib ki, stressə qalib gəlmək üçün gün ərzində ən azı 45 dəqiqə ərzində şəkil çəkmək lazımdır. Alimlər sübut edib ki, hətta şəkil çəkə bilməyən və çox sadə "uşaq" şəkilləri çəkən insanlarda bu çox yaxşı nəticə verir.

45 dəqiqədən sonra məlum olub ki, əksər iştirakçıların orqanizmində kortizolun səviyyəsi düşüb. Bu həm peşəkar rəssamlarda, həm də rəssamlıqdan uzaq olan insanlarda baş verirdi.

Art-terapiya streslə mübarizədə çox yaxşı effekt verib. Alimlər tez-tez streslərə məruz qalan insanlara stressi atmaq üçün incəsənətlə məşğul olmağı tövsiyə edirlər.