Türkmənistan Xəzərdə süni ada yaradıb

Xəzər akvatoriyası hüdudlarında 50-dək ada qeydə alınıb.

Trend-in məlumatına görə, onların siyahısına daha biri - Xəzərin Türkmənistan sektorunda 170 hektarda yaradılmış süni ada da daxil olub.

Yeni ərazi Türkmənbaşı beynəlxalq dəniz limanının tikintisi ilə birgə yaradılıb.

Hazırda mütəxəssislər adanı ekoloji turizm baxımından da qiymətləndirirlər.

Ada qızılqaz, qu, qaz, ördək, vağ, qutan və digər quş növlərinin qida, yuva və qışlama yerinə çevrilib.