Risk alyında yalnız yaşlı insanlar deyil
Ümumdünya Səhiyyə Təşkilatı (ÜST), uşaqların yeni koronavirus COVID-19 ilə ciddi xəstələnə biləcəyini bəyan edib. End.az saytı xəbər verir ki, bu barədə doktor Mayk Rayan ÜST-də keçirdiyi mətbuat brifinqi zamanı bildirib.
Rayan qeyd edib ki, Cənubi Koreyada ölənlərin 20% -i 60 yaşın altındadır.
"Buna görə yalnız yaşlı insanların risk altında olduğunu düşünmək heç də doğru deyil" deyib.
Doktor Maria Van Kerxove, uşaqların əsasən COVID-19 -u yüngül keçirdiklərini, lakin son tədqiqatların ağır xəstəlik hallarının da mövcud olduğunu göstərdiyini deyib. Çində bir uşaq vəfat edib.
"Uşaqlarda simptomlar böyüklərdə olduğu kimidir. Yüksək hərarət, quru öskürək, yorğunluq, əzələ ağrısı" , deyib o.
Xatırladaq ki, ÜST koronavirus COVID-19-a qarşı peyvəndin ilk sınağının başlandığını elan edib. Təşkilatın direktoru Tedros Adan Qebreisus, peyvənd sınaqlarının koronavirusun genetik ardıcıllığının ötürülməsindən iki ay sonra başladığını söyləyib.
Mənbə: www.rbc.ua
Şərhlər
Şərhləri göstər Şərhləri gizlət