Vikipediya Türkiyəni Avropa Məhkəməsinə verdi

Vikipediya onlayn ensiklopediyası Türkiyə hökumətini bu ölkədə saytını blokladığı üçün məhkəməyə verib.

Axar.az xəbər verir ki, Vikipediya Avropa İnsan Haqları Məhkəməsinə müraciət edib.

Yayılan müraciətdə Türkiyənin Avropa İnsan Haqları Konvensiyasının tələb etdiyi özünüifadə azadlığını pozduğunu bildirib.

Qeyd edək ki, Vikipediya 2017-ci ilin aprelində Türkiyə hökuməti tərəfindən qadağan edilib. Buna səbəb isə onlayn ensiklopediyada yerləşdirilən məqalələrdən birində Ankaranın terror təşkilatlarının sponsoru adlandırılması olub.