"Virus ölkə daxilində fəaldır və yoluxmaların sayı artır"

"Virus ölkə daxilində fəaldır və yoluxmaların sayı artır"

Yerli və qlobal karantin planları, həmçinin xəstəliyin yeni dalğası üçün xəstəxana sistemi hazırdır. Ancaq qlobal karantindən yayınmaq üçün bütün imkanlardan istifadə edilməlidir.

Ens.Az AZƏRTAC-a istinadən bildirir ki, bu fikirləri Fransanın Baş Naziri Jan Kasteks mətbuat konfransında səsləndirib.

Baş Nazir xəbərdarlıq edib ki, virus ölkə daxilində fəaldır və yoluxmaların sayı artır. Bəzi departamentlərdə virus sürətlə yayılır və virusun daha çox təsir etdiyi 21 departament "qırmızı zona" elan edilib. Paris şəhərində və Buş-du-Ron departamentində virus sürətlə yayılmaqdadır.

J. Kasteks yerli və qlobal karantin planlarının hazır olduğunu diqqətə çatdıraraq, Parisdə virusun yayılması ilə bağlı narahatlığını bildirib. Qeyd edib ki, yaxın günlərdə Paris küçələrində də maska taxmağın məcburi olması ilə bağlı rəsmi xəbərdarlıq ediləcək.