Xaker “Sapsan”ı 20 dəqiqəyə sındırdı

Sərnişinlər haqqında məlumatı əldə etmək üçün informasiya təhlükəsizliyi mütəxəssisinə çox az vaxt ayrılmışdı.

Ens.az xəbər verir ki, ZeroNights informasiya təhlükəsizliyi konfransına səfər Moskva ilə Sankt-Peterburq arasında hərəkət edən “Sapsan” sürətli qatarındakı Wi-Fi şəbəkəsinin sındırılması ilə başa çatdı. Bu barədə Habr-da keklick1337 ləqəbli bir istifadəçi yazmışdı.

Qatar şəbəkəsində avtorizasiya üçün vaqonun nömrəsi və oradakı yerini daxil etməli, həmçinin sərnişinin pasportu nömrəsinin son 4 rəqəmini göstərməlisiniz. Məlum olub ki, bütün bu məlumatlar verilənlər bazasında təkcə cari reysin sərnişinləri haqqında deyil, həmçinin əvvəlki səfərlərdəki müştərilərin də pasport məlumatları saxlanılır.

“Hər şey çox dəhşətli şəkildə qurulub, hər yerdə eyni şifrədir. Reysin sərnişin məlumatlarına daxil olmaq çətin deyil və bu 20 dəqiqə vaxt aparır. Serverlərinin gecikməsinə görə 20 dəqiqədir”, - keklick1337 qeyd edib.

Mütəxəssisin özü qeyd edib ki, ona görə “Rusiya Dəmir Yolları”na qarşı qarışıq hisslər keçirir ki, daha əvvəl onun tərəfindən aşkar edilmiş boşluq üçün ona heç bir ödəniş etməyiblər, sadəcə boşluğu düzəldiblər. Wi-Fi ilə bağlı aşkar edilmiş problemin aradan qaldırılmasını xaker bir neçə aydan sonra yoxlamaq niyyətindədir.