Xorvatiya parlamenti özünü buraxmaq qərarına gəlib

Xorvatiya parlamenti özünü buraxmaq qərarına gəlib

Xorvatiyada Sabor (birpalatalı parlament) qarşıdan gələn parlament seçkisi ərəfəsində cümə axşamı keçirilən növbəti iclasından sonra buraxılıb.

Ens.az Ölkə.az-a istinadən xəbər verir ki, bunu parlamentin spikeri Qordan Yandrokoviç deyib.

Səsvermənin nəticələrinə yekun vuran Yandrokoviç “143 lehinə səslə Xorvatiya parlamentini buraxmaq qərarına gəldik. Sizə uğurlar arzulayıram”, - deyib.

Qanuna uyğun olaraq, Xorvatiya Prezidenti Zoran Milanoviç seçki tarixini aprelin sonu - mayın əvvəlinə təyin etməli olacaq ki, bu müddət ərzində Saborun 11-ci çağırışı da seçiləcək.

Xatırladaq ki, Xorvatiyada 2020-ci il iyulun beşində keçirilmiş əvvəlki parlament seçkilərinin nəticələrinə görə, hakim Xorvatiya Demokratik İttifaqı partiyası 66 mandat əldə edərək, böyük qələbə qazanıb.