Yeməkdən dərhal sonra saqqızdan istifadə dişləri keriyesdən qoruyur

Bu, çox çeynədikdə tüpürcək ifrazına başlaması ilə əldə edilir. O, sözün əsl mənasında bakteriyaları dişlərdən təmizləməyə başlayır.

Ens.az xəbər verir ki, bir sıra elm adamları israr edir ki, onun tərkibində şəkər olmamalıdır. Amma, onlar belə saqqızın hər dəfə yeməkdən sonra kariyesdən effektiv qorumasını inkar etmirlər.

Eyni zamanda mütəxəssislər dişləri mümkün çürümədən qorumaq üçün tərkibində şəkər olan saqqızları çeynəməməyi məsləhət görürlər.

Bu nəticəyə gəlmək üçün tədqiqatçılar son 50 ildə bu problemə həsr olunmuş bütün elmi işləri analiz ediblər.

Analiz zamanı müəyyən edildi ki, tərkibində şəkər olmayan saqqızlar kariyes yaranma riskini 28% azaltmağa qadirdir. Təbii ki, bunun üçün stomatoloqların məsləhət verdikləri kimi onları yeməkdən dərhal sonra istifadə etmək lazımdır.

Bu ona görə baş verir ki, ağızda əlavə miqdarda tüpürcək ifraz olunur. Məhz o hər dəfə qida qəbul edəndə formalaşan turşuların neytrallaşdırılması və yuyulması ilə məşğul olur.

Həkimlərin fikrincə, bu turşular yeməkdən sonra 20 dəqiqə ərzində dişlərdə və ağız boşluğunda qalaraq özünün məhvedici təsirini göstərir.

Buna görə də saqqızı yeməkdən dərhal sonra istifadə etmək çox vacibdir. Şəkərli saqqız eyni effekti verməklə yanaşı həmçinin dişlərin tez çürüməsinə səbəb ola bilər.

Şəkər maddələri ağız boşluğunda olan bakteriyalarla reaksiyaya girərək çoxala bildikləri bir lentə çevrilə bilirlər.

Eyni zamanda bir çox mütəxəssislər qətiyyətlə iddia edirlər ki, saqqızdakı şəkər əvəzediciləri ağız boşluğunun sterilliyini qorumaq qabiliyyətinə malikdir.

Londonun Krallığın kollecində işləyən alimlər tərəfindən aparılmış son araşdırmalar göstərdi ki, bu şəkər əvəzedicilərinin köməyi ilə immun sistemində dişlərin çürüməsinə səbəb olan bakteriyalarla mübarizə aparan zülalların əlavə miqdarda ifrazına nail olmaq mümkündür.

Amma hətta tərkibində şəkər olmayan saqqızın faydalı təsiri faktına baxmayaraq elm dünyasında müxtəlif yanaşmalar saxlanılır.

Bir çox mütəxəssislər əmindirlər ki, meyvə aromalı saqqızlar özlüyündə (hətta şəkərsiz) diş minasınının məhvinə aparmaqla dişlərə zərər verir.