Zəlzələdən sonra avtobuslar gecikib? - RƏSMİ AÇIQLAMA

Zəlzələdən sonra avtobuslar gecikib? - RƏSMİ AÇIQLAMA

Bu gün qeydə alınan zəlzələ sərnişindaşımalar üzrə avtobusların hərəkət intervallarına təsir göstərməyib.

Ens.az-ın məlumatına əsasən,bu barədə Trend-in sorğusuna cavab olaraq Azərbaycan Yerüstü Nəqliyyat Agentliyindən (AYNA) bildirilib.

"Avtobuslar gündəlik hərəkət qrafikinə uyğun olaraq fəaliyyət göstərir. Abşeron rayonu və Sumqayıt şəhərinin nəqliyyatında da marşrutlar üzrə avtobusların hərəkətində gecikmələr müşahidə edilmir. Monitorinq Mərkəzi marşrut avtobuslarının izləməsini həyata keçirir və nəqliyyat vasitələrinin hərəkət qrafiki nəzarətdə saxlanılır", - qurumdan bildirilib.

Qeyd edək ki, bu gün yerli vaxtla saat 08:16-da Xəzər dənizində maqnitudası 5.6 olan zəlzələ baş verib. Zəlzələ ocağının dərinliyi 68 km təşkil edib. Zəlzələnin episentri Siyəzən stansiyasından 60 km şərqdə Xəzər dənizində olub.