Zurufçu ona yeni nəfəs verdi

Zurufçu ona yeni nəfəs verdi

“Gəlin, özümüzünkünə sahib çıxaq”

Müğənni Yaqub Zurufçu uzun müddətdir ki, unudulan əsərlərdən birinə yeni nəfəs verib.

AzNews.az xəbər verir ki, sənətkar Azərbaycanın mərhum bəstəkarı, xalq artisti Fikrət Əmirovun “Gülüm” romansını yeni aranjimanda yazdırıb:

“Bizim bir çox əsərlərimiz var ki, ya unudulub, ya da çox az ifa olunur. Onlardan biri Fikrət Əmirovun "Gülüm" romansıdır. Sözləri dahi Azərbaycan şairi Nizami Gəncəviyə məxsusdur. Dinləyin, görün bu musiqi nə qədər dərin, nə qədər həzindir. Milli mədəniyyətimizə sahib çıxaq, musiqimizi yad notlardan, xaric səslərdən uzaq edək”.

Qeyd edək ki, mahnının aranjimanı Əliheydər Mirzəbəyova məxsusdur.