ABŞ İrana qarşı yeni sanksiyalar tətbiq edəcək
ABŞ yaxın zamanda Tehrana qarşı əlavə sanksiyalar tətbiq edəcək.
Ens.az Apa.az-a istinadən xəbər verir ki, bu barədə ABŞ prezidentinin milli təhlükəsizlik üzrə köməkçisi Ceyk Sallivanın bəyanatında deyilir.
Qeyd olunub ki, İranın İsrailə endirdiyi hava zərbələrindən sonra ABŞ prezidenti Cozef Bayden ölkənin müttəfiqləri və tərəfdaşları, o cümlədən “Yeddilik” qrupu, eləcə də Konqresdəki hər iki partiyanın liderləri ilə birlikdə cavab tədbirləri üçün hərtərəfli plan üzərində işləyir.
Belə ki, yeni sanksiyalar İranın raket və pilotsuz uçuş aparatları proqramlarını hədəfə alacaq, həmçinin İslam İnqilabı Keşikçiləri Korpusu və İran Müdafiə Nazirliyinə dəstək verən şirkətlərə qarşı yönələcək.
Şərhlər
Şərhləri göstər Şərhləri gizlət