![ABŞ Kosmik Qüvvələrinin yeni uniforması gülüş hədəfi oldu](https://ens.az/images/news/76ff08831cb4454e110f17134229f289.jpg)
ABŞ Kosmik Qüvvələrinin yeni uniforması gülüş hədəfi oldu
Bu barədə “HaberGlobal” məlumat verib.
Yeni uniformanın fotosu KQ-nin “Twitter” səhifəsində dərc olunub. İstifadəçilər yeni geyimi son dərəcə gülünc adlandırıblar, çünki uniformanın rəngi meşəyə uyğun olaraq yaşıl rəng tonlarında olub.
Digər şərhçilər Yerdən kənarda kamuflyajın nəyə lazım olduğunu soruşub. Başqa biri isə bu geyimin Kosmik Qüvvələrin evok irqinin nümayəndələrindən (“Ulduz müharibələri”) gizlənəcəyi halda lazım olacağını bildirib.
ABŞ Kosmik Qüvvələrinin nümayəndələri pula qənaət etmək üçün ordu və hava qüvvələrinin mövcud kamuflyaj formasını əsas götürdüklərini izah ediblər. Bundan əlavə, Kosmik Qüvvələrin hərbçiləri birlikdə fəaliyyət göstərəcəkləri digər qoşun növlərindən olan həmkarlarına bənzəyəcəklər.
ABŞ Prezidenti Donald Tramp keçən ilin dekabr ayında Kosmik Qüvvələrin yaradılacağını elan etmişdi. Mövcud büdcə çərçivəsində Kosmik Qüvvələrə 40 milyon dollar ayrılacağı məlumdur.
Şərhlər
Şərhləri göstər Şərhləri gizlət