ABŞ Polşaya 224 milyonluq hərbi vasitə göndərir

Dövlət Departamenti Polşaya 224 milyon dollar dəyərində hərbi rabitə avadanlığının və lazımi maddi-texniki təchizatın verilməsini təsdiqləyib.

Ens.az Axar.az-a istinadən xəbər verir ki, bu barədə Pentaqonun müvafiq strukturu məlumat yayıb.

Məlumata görə, Polşa hakimiyyəti ABŞ-dan avadanlıq, o cümlədən şəbəkə radiostansiyaları, SAASM qoruyucu modulu olan GPS qəbulediciləri, həmçinin köməkçi avadanlıq və ehtiyat hissələri istəyib. ABŞ həmçinin Polşaya logistika, təlim və texniki dəstək xidmətləri göstərəcək.