Ağ Ev: İranın İsrailə hücumu bir neçə saat davam edəcək

Ağ Ev: İranın İsrailə hücumu bir neçə saat davam edəcək

İranın hərbi qüvvələrinin İsrailə qarşı hücumunun bir neçə saat davam edəcəyi ehtimal edilir.

"Ens.az" “Report”a istinadla  xəbər verir ki, bunu Ağ Evin Milli Təhlükəsizlik Şurasının mətbuat xidmətinin rəhbəri Eydrien Uotson İranın öz ərazisindən İsrailə doğru pilotsuz uçuş aparatları buraxması ilə bağlı verdiyi açıqlamada bildirib.

"Bu hücum çox güman ki, bir neçə saat davam edəcək. ABŞ Prezidenti Co Bayden açıq şəkildə bildirib ki, İsrailin təhlükəsizliyinə dəstəyimiz sarsılmazdır. Birləşmiş Ştatlar İsrail xalqının yanında olacaq və İrandan gələn bu təhdidlərə qarşı onların təhlükəsizliyini dəstəkləyəcək", - o qeyd edib.

“Əl-Qahirə əl-İxbariyyə” telekanalı isə xəbər verir ki, ABŞ Hərbi Hava Qüvvələrinə məxsus döyüş təyyarələri İranın pilotsuz təyyarələrini ələ keçirmək üçün İraq və İordaniya səmasındadır.