Alkoqolizmin inqilabi müalicəsi tapılıb

ABŞ-ın Skrippsa İnstitutundan olan alimlər alkoqolizmin istənilən formasını inqilabi üsulla müalicəsini təklif ediblər. Üsul hələ ki siçanlar üzərində sınaqdan keçirilib, ancaq anındaca effektli olub.

Medpress.az-ın xarici mətbuata istinadla verdiyi xəbərə görə, xüsusi olaraq alkoqolizmə otuzdurulan bəzi siçanların beyninin asılılığa cavabdeh olan müəyyən bir hissəsini lazerlə yandırıblar.

Tədqiqatçılar qeyd edirlər ki, lazerlə yandırma “terapiya seansından” dərhal sonra praktik olaraq spirt qəbulu “istəyindən imtina etməyə” imkan verir.

Neyrobioloqlar qeyd edirlər ki, beyinin ön hissəsində badamcıq vəzisi mərkəzi nüvəsinin yandırılması neyron əlaqələrini pozur və hətta çəkilmə simptomlarını rahatlaşdırır (içki asılılığı, “lomka” olmağı).

Düzdür, bu üsulu insanlar üzərində istifadə etmək hələ ki olmaz. Tədqiqatçılar ehtimalk edirlər ki, insan beynində bu müxanizm fərqli işləyir və yandırmaqla alkoqolizmin müalicəsi insan əlil də edə bilər.