Aşıq Ələsgər - Dönübdü (qoşma)
Fələyin qəhrindən, el töhmətindən,
Dərdim artıb bir ümmana dönübdü.
Dostun firqətindən, yar həsrətindən,
Bahar mana zimistana dönübdü.
Eşqin girdabında düşmüşəm ləngə,
Torbakeşlər tənə qılır peşəngə.
Gürbə şirə dönüb, muşlar pələngə,
Bəqə qızıb kərgədana dönübdü.
Arif, bu sözləri fikr eylə dərin,
Artırma dərdini sən Ələsgərin.
Qiblənüma məhəbbəti dilbərin,
Meyli bizdən qeyri yana dönübdü.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət