Aşıq Nəcəf Əlimərdanlı - Qadasın aldığım (gəraylı)
Səhər səhər əsən yellər,
Əsmə, qadasın aldığım.
Əl mənimdir, ətək sənin,
Kəsmə, qadasın aldığım.
Səhərin əsən yelləri,
Yana dağıdır telləri,
Dəstində qızıl gülləri,
Məsmə qadasın aldığım.
Alt yanımız bağça-bağdı,
Üst yanımız qarlı dağdı,
Nəcəfin də ərki vardı,
Küsmə, qadasın aldığım.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət