Azərbaycan atalar sözləri - G hərfi
- Gah nala döyür, gah mıxa.
- Gavur çörəyi yeyən gavur üçün qılınc çalar.
- Gec gələn qonaq öz kisəsindən yeyər.
- Gec-gec gəldin, xoş gəldin, tez-tez gəldin, nöş gəldin.
- Gecə dırnaq kəsən, gündüz nağıl deyən, həlbət gora gələrsən!
- Gecənin xeyrindən gündüzün şəri yaxşıdır.
- Gedən bağdan gedər, bağbandan nə gedər.
- Gedən qaroy, yol qara...
- Gedənə yoldaş, gələnə qardaş.
- Gedəni saxlamaq olmaz.
- Gedər bağlar qorası, qalar üzlər qarası.
- Gedər bu aclıq, gələr ucuzluq, amma səndə qaldı kömbə yanığı.
- Gen qaz, dərin qaz, özün düşərsən.
- Gendən baxana döyüş asan görünər.
- Get çanağım, gəl çanağım, ortalıqda sın çanağım.
- Get özünə dost qazan, düşmən ocaq başındadır.
- Getdim dərdli yanına, o, məndən narın ağladı.
- Getdim yarım yanına, qadam cicim canına.
- Getmə gözümdən, gedərəm özümdən.
- Getməsin o yaman ki, yerinə yaxşı gəlməz.
- Geyişməyən yerdən qan çıxarma.
- Gədadan bəy olmaz.
- Gədadan borc alma, ya toyda istər, ya bayramda.
- Gəldi əcəl, verməz macal.
- Gələcəyin var, görəcəyin də var.
- Gələn adam qismətinə gələr.
- Gələn gedənin dədəsinə rəhmət oxudur.
- Gələndə yel gətiri, el gətiri, sel gətiri, gedəndə yel aparı, el aparı, sel aparı.
- Gələnə yoldaş, gedənə qardaş.
- Gəlin atlandı, gör kimə düşdü.
- Gəlin bəzənənəcən toy sovuşdu.
- Gəlin bəzənincə toy əldən gedər.
- Gəlin gəlin deyil, gəldiyi yer gəlindir.
- Gəlin ocağa, bərəkət bucağa.
- Gəlin ocağa çəkər.
- Gəlin ocağa gələr.
- Gəlin oldun, dilini çək.
- Gəlin oynaya bilmədi, dedi: otaq əyridi.
- Gəlini evdən qoruyarsan, oğru olar.
- Gəlirinə bax, xərc eylə.
- Gəlmisən ayran içməyə, gəlməmisən ara açmağa.
- Gəlmişdi kabab iyinə, gördü eşşək dağlayırlar.
- Gəmidə oturub gəmiçi ilə dava eləmə.
- Gəmisini batıran, çarığını axtarmaz.
- Gənəşəkli don gen olar.
- Gəzdim İran, Turanı, cənnət gördüm buranı.
- Gəzən ayağa daş dəyər.
- Gəzən şələ bağlamaz.
- Gəzəyən gəlinlə güləyən qızdan çarşı-bazardakı lotu yaxşıdır.
- Gəzəyən qızdan gəlin olmaz.
- Gizli düşmən ilan kimidi, sürünə-sürünə gələr.
- Gizlin kələ gedən aşkar doğar.
- Gordan biz gəlirik, cəhənnəmdən sən xəbər verirsən.
- Gödək atıldı vurdu uzunun başına; uzun dedi: "əcəb yadıma saldın".
- Gönü suya vermə, verdin heyfsilənmə.
- Gördü - hənək, görmədi - gerçək.
- Gördüyünü qoyub eşitdiyinə inanma.
- Görən gözə kül üfürmə.
- Görən gözə yasaq olmaz.
- Görənin gözün töküncə, götürənin əlin kəs.
- Görməmiş gördü, gülə-gülə öldü,
- Görməmiş gördü gümüş, oldu qudurmuş.
- Görməmişə at versən, çapıb-çapıb öldürər.
- Görsənən dağ bələdçini neyləyir?
- Görünən kənd bələdçi istəməz.
- Görülmüş işdən gül iyi gələr.
- Göy ağlamayınca, yer gülməz.
- Göydən nə yağdı ki, yer onu qəbul eləmədi?!.
- Göyçək sözün ardı tükənməz.
- Göz gördü, könül sevdi, mənim nə günahım var?!.
- Göz gördüyündən qorxar.
- Göz gördüyünə inanar.
- Göz görməsə könül sevməz.
- Göz görməz, üz utanmaz.
- Göz qənimini tanıyar.
- Göz namərddir; qorxudar.
- Göz yaşı da borcdandı.
- Gözdə olmayan könüldə də olmaz.
- Gözdən uzaq olan könüldən də uzaq olar.
- Gözə gəlməyən gəlinin salamı savaşdır.
- Gözəl ağa çox gözəl idi, vurdu çiçək də çıxatdı.
- Gözəl aşı tez bişər.
- Gözəl bürünər, çirkin görünər.
- Gözəl göz üçün, ağıllı könül üçün.
- Gözəl gözəl deyil, könül sevən gözəldir.
- Gözəl kamallı gərək.
- Gözəl nazlı gərək.
- Gözəl sevməyə tövbə olmaz.
- Gözəldə etibar olmaz.
- Gözələ baxmaq göz qaydasıdır.
- Gözələ göz dəyər, qəlbə söz.
- Gözəllərdə vəfa olmaz.
- Gözəllik qarın doyurmaz.
- Gözəllik ondur, doqquzu dondur.
- Gözləmədiyin daş, yardı baş.
- Gözlərin aydın olsun, pişiyimiz oğlan doğub!
- Gözsüz yaşamaq olar, amma Vətənsiz yox.
- Gözü ancaq torpaq doyurar.
- Gözü tox olanın könlü də tox olar.
- Gözün alışmadığı işə girişmə.
- Gözünün yaşına baxaq, ya əlinin daşına?!
- Guşə daşı yerdə qalmaz.
- Güc birlikdədir.
- Gücü çatana donuz güddürür.
- Gücünə bax, şələni bağla.
- Gül istəyən, tikanı da istəmək gərək.
- Gül tikansız olmaz.
- Gülmə gülünc olana, özün gülünc olarsan.
- Gülmə qonşuna, gələr başına.
- Gülün qədrin bülbül bilir.
- Gülünə bax, qönçəsini dər.
- Gün çıxar, aləm görər.
- Gün doğuşundan bəllidir.
- Gün keçər ömür gedər, dəli sevinər ki, bayram gəlir.
- Günah öləndə olar, öldürəndə yox.
- Günbəz görür, elə bilir içində imamzadə var.
- Gündə-gündə, bir gün səndə, bir gün məndə.
- Gündüz getmədiyin yolu gecə getmə.
- Günü günüdən günü əsirgər.
- Günü gününün ölümün istər.
- Günü xoş geçənə Tanrı da xoş baxar.
- Güvəs daşa toxunsa - vay güvəsin halına, daş güvəcə toxunsa - vay güvəcin halına.
- Güvəc görməyən qazan görəndə xorlar.
- Güvəcə verə-verə çıxır qazan bahası.
- Güvəci ya sındır, ya dağdan yuvarlat.
- Güvəndiyin alçacıq dağlar, sizə də qar yağarmış?!.
- Güvənmə vara, düşərsən dara.
Şərhlər
Şərhləri göstər Şərhləri gizlət