Avstraliyanın məhv edəcəyi dəvələrlə bağlı Türkiyədən unikal təklif
Avstraliyada aylardır davam edən meşə yanğınları qitənin minlərlə canlı növünü məhvolma təhlükəsi ilə üz-üzə qoyub.
Publika.az xəbər verir ki, ölkədəki radikal-sağçı hökumət 10 min dəvəni tələf etməyə qərar verib.
Səbəb isə dəvələrin çox su içməsidir.
Hökumət iddia edir ki, dəvələr sudan çox istifadə edir və bu, yanğınların söndürülməsinə əngəl olur.
Dünya bu prosesləri kədərlə izləyərkən, Türkiyədən Avstraliyaya dəvələrlə bağlı təklif gedib. Belə ki, Humanitar Yardım Vəqfi dəvələrin ətini konserv edərək yardıma möhtac insanlara çatdırılmasını təklif edib.
Vəqf bu məsələdə Avstraliyadakı səfirlik vasitəsilə hökumətə müraciət etdiklərini bildirib. Hazırda Avstraliya hökumətinin cavabı gözlənilir.
Zümrüd
Şərhlər
Şərhləri göstər Şərhləri gizlət