Azərbaycan: 93 ölkə arasında üçüncü və 6 ölkədən biri

Azərbaycan: 93 ölkə arasında üçüncü və 6 ölkədən biri

Almaniyanın Düsseldorf şəhərində təşkil olunan "Böyük Dəbilqə" turniri başa çatıb. Matc.az saytının məlumatına görə, 93 ölkədən 605 (362 kişi, 243 qadın) cüdoçunun qatıldığı yarışda Azərbaycan 10 kişi və 5 qadın idmançı ilə təmsil olunub.

Millimiz Almaniyada 1 qızıl (Məmmədəli Mehdiyev), 3 bürünc (Rüstəm Orucov, Zelim Kotsoyev, İrina Kindzerska) medal qazanıb. Bu nəticə ilə Azərbaycan 93 ölkə arasında üçüncü olub.

Birinci yerdə Yaponiya qərarlaşıb - 9 qızıl, 3 gümüş, 3 bürünc medal. Braziliya 1 qızıl, 1 gümüş, 4 bürünc medalla ikinci yeri tutub.

Ümumilikdə, Almaniyada 6 ölkənin (Yaponiya, Braziliya, Azərbaycan, Böyük Britaniya, Kuba və Kosovo) idmançısı qızıl medala layiq görülüb.