Azərbaycanın dövlət borcu açıqlandı

Bu barədə Ens.az Maliyyə Nazirliyinə istinadən xəbər verir.

Məlumata əsasən, dövlət borcu 2026-cı il üzrə 138 mlrd 39,2 mln manat məbləğində proqnozlaşdırılan Ümumi Daxili Məhsulun (ÜDM) 17,3%-ni təşkil edib.

Ümumi dövlət borcunun 7 mlrd 666,2 mln manatı (4 mlrd 509,5 mln ABŞ dolları) və ya 32,1%-i xarici dövlət borcunun, 16 mlrd 230,1 mln manatı və ya 67,9%-i daxili dövlət borcunun payına düşür.

Hesabat tarixinə Azərbaycanda dövlət borcunun idarəedilməsinə dair orta vəb uzun müddət üçün Strategiya sənədi ilə (Strategiya) müəyyən olunmuş dövlət borcunun ÜDM-ə nisbət göstəricisinin 30%-dən çox olmaması və xarici dövlət borcunun 10 milyard ABŞ dollarını üstələməməsi üzrə yuxarı hədlər gözlənilib.

Sözügedən dövrə dövlət borcu 4 mlrd 509,5 mln ABŞ dolları və ya 2026-cı il üzrə proqnozlaşdırılan ÜDM-in 5,6%-ni təşkil edib. 2026-cı ilin yanvarın 1-i ilə müqayisədə xarici dövlət borcu 304 milyon ABŞ dolları məbləğində azalıb.

Daxili dövlət borcu 16 mlrd 230,1 mln manat və ya 2026-cı il üzrə proqnozlaşdırılan ÜDM-in 11,8%-ni təşkil edib. Daxili dövlət borcu 2026-cı ilin yanvarın 1-i ilə müqayisədə 1 mlrd 574,4 mln manat azalıb. Hesabat tarixinə daxili dövlət borcunun 7 mlrd 766,2 mln manatı dövriyyədə olan dövlət qiymətli kağızlarının, 8 mlrd 463,9 mln manatı isə hökumətin üzərinə götürdüyü dövlət zəmanətli öhdəliklərinin payına düşür.