Bayden: “Tramp son dərəcə təhlükəlidir və məsuliyyətsizdir”

ABŞ-ın keçmiş vitse-prezidenti, Trampın İrana hücumla bağlı tvitindəki təhdidlərə istinad edərək, ABŞ-ın hazırkı prezidentinin son dərəcə təhlükəli və məsuliyyətsiz davrandığını deyib. Məlumata görə, ABŞ prezidentliyinə namizəd və keçmiş vitse-prezident Co Bayden, iranlı general Qasim Süleymaninin öldürülməsini onsuz da təhlükəli bir vəziyyətin gərginləşməsi olduğunu söyləyib.

"Deyerler.org"un Parstoday-a istinadən verdiyi xəbərə görə, keçmiş vitse-prezident, Ağ Evin hərəkətlərini İrandan gələn hücumların qarşısını almaq məqsədi ilə etdiyini, lakin bunun tam əksinə olacağından əmin oldğunu bildirib. "Bu hərəkətlər demək olar ki, əksinə nəticə verəcək. Tramp, alışan dinamiti barıt çəlləyinə atıb və o, Amerika xalqına təhlükəsizliyi təmin etmək üçün strategiya və planı izah etməyə borcludur". Bayden, İranın Süleymaninin sui-qəsdinə cavab verəcəyinə əmin olduğunu bildirib, bu isə ABŞ-ın Yaxın Şərqdə (Qərbi Asiya) böyük bir qarşıdurma astanasında olduğu deməkdir.

Qeyd edək ki, İran İslam İnqilabı Keşikçiləri Korpusunun komandiri, ABŞ-ın yeni bir cinayətinə cavab olaraq - Qüds Xüsusi Təyinatlı Qüvvələr briqadasının komandiri general-leytenant Qasim Süleymaninin şəhid olması - bu hücumun ABŞ hərbi varlığına son qoyacaq bir strateji qisasla nəticələnəcəyi haqda xəbərdar edib. Tramp, tvitter səhifəsində, İranın Vaşinqtonun terror hücumuna qarşı sərt qisas cavabı barədə verdiyi şərhdə yazıb: "İran hər hansı bir Amerika vətəndaşına və ya Amerikanın maraqlarına hücum edərsə, ABŞ, İranın qırx il əvvəl ABŞ-ın Tehrandakı səfirliyinin 52 əməkdaşını saxladığına görə, İranın 52 nöqtəsinə zərb vuracaq”.

Mənbə: deyerler.org