Beyrut qubernatoru ağladı

Beyrut şəhərinin qubernatoru Marvan Abbud “Sky News” telekanalına müsahibəsi zamanı ağlayıb.

Ens.az-ın “Qafqazinfo”ya istinadən məlumatına görə məmur bildirib ki, həyatında heç vaxt bənzər dağıntılar görməyib. Onun sözlərinə görə, partlayış “Hiroşima və Naqasakidə baş verənlərə bənzəyir”.

“Mən həyatımda bu qədər dağıntılar görməmişəm... Bu Livan üçün milli fəlakətdir”, - deyən Abbud göz yaşlarına hakim ola bilməyib.

Qeyd edək ki, Livanın paytaxtı Beyrut şəhərində dəniz limanında baş vermiş partlayış nəticəsində azı 30 nəfər ölüb, 2,5 mindən çox insan xəsarət alıb.