Bolton Belarusa gedir – XXI əsrdə ilk
ABŞ prezidentinin milli təhlükəsizlik üzrə müşaviri Con Bolton bu həftə ərzində Belarusa səfər edəcək.
Axar.az xəbər verir ki, bu məlumatı “Forin Polisi” öz mənbələrinə istinadən yayıb.
Jurnal səfərin detalları barədə heç bir məlumat verməyib. Bununla belə, səfərin reallaşacağı təqdirdə Boltonun XXI əsrdə Minski ziyarət etmiş ilk yüksək vəzifəli amerikalı olacağı bildirilib.
Boltondan sonra gələn ay Minskə həmçinin ABŞ dövlət katibinin siyasi məsələlər üzrə müavini Devid Heylin səfər edəcəyi vurğulanıb.
Qeyd edək ki, Con Bolton öz Tvitter səhifəsində yaxın günlərdə Ukraynaya səfər edəcəyini yazmışdı.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət