Bunu edən şirkətlərin lisenziyası ləğv ediləcək

Qiymətli quşların ovlanmasına şərait yaradan vasitəçi şirkətlərin lisenziyasının ləğv edilməsi üçün müraciət ediləcək.

Bu barədə Axar.az-a Ekologiya və Təbii Sərvətlər Nazirliyindən məlumat verilib.

Nazirlikdən bildirilib ki, vətəndaşlar, vasitəçi şirkətlər qiymətli quşların icazəsiz ovlanması məsələlərinə daha da məsuliyyətli yanaşmalıdır. Həmçinin mövcud qanunvericiliyin tələblərinə əməl etməlidirlər.

Əks halda vətəndaşlar qanunvericiliyə uyğun qaydada cəzalandırılacaq, vasitəçi şirkətlərin isə lisenziyalarının ləğv edilməsi üçün aidiyyəti orqanlara müraciət ediləcəkdir.