Çin dünyada silah satışı üzrə ikincidir

Çin silah istehsalı və satışına görə dünyada ABŞ-dan sonra ikinci yeri tutur.

Trend-in Stokholm Beynəlxalq Sülh Araşdırmalar İnstitutunun (SİPRİ) xüsusi hesabatına istinadən verdiyi məlumata görə, 3-ü yerdə Rusiya gəlir.

2017-ci ildə SİPRİ-nin hesabatında, dünyanın 100 ən böyük şirkəti siyahısında ilk iyirmiliyinin 11-i Amerika, 6-sı Qərbi Avropa və 3-ü Rusiya şirkətlərinin olduqları bildirilir. Ən yüksək satış göstəriciləri Amerika əldə edib - 226,6 milyard.

Bu hesabat, 2015-2017-ci illərdə Çinin satışları haqqında ilk dəfə məlumatları alan institut mütəxəssislərinin fikrincə, Çin hərbi-sənaye sektorunun və ona üzv şirkətlərin müasir potensialının ən dolğun mənzərəsini verib. Bundan əvvəl, lazımi məlumatların olmaması səbəbindən Çin istehsalçıları ilk 100-lük siyahısına daxil edilməyib.

Çinin hərbi sənayesi əsasən 10 əsas şirkətdən və bir tədqiqat institutundan ibarətdir.

Çin şirkətləri arasında ən nəhəngi, ümumi həcmi 20,1 milyard dollar təşkil edən AVIC dünya üzrə 100-lükdə altıncı yerdədir. NORINCO isə dünyada ən böyük yerüstü avadanlıq istehsalçısıdır və satış həcmi 17,2 milyard dollardır.