Çində 5 milyona yaxın insan epidemiya səbəbindən iş yerlərini itirib

Koronavirus epidemiyası səbəbindən bir çox müəssisə Çin şəhərlərində iş yerlərini ya bağlatıb və ya azaldılmış iş rejiminə keçib. Vəziyyət tədricən normallaşmağa başlasa da, təkcə son 2 ayda 4,6 milyon insan iş yerini itirib. Proqnoza görə, ilin sonuna bu rəqəm iki dəfə artacaq, çünki Çin iqtisadiyyatı , epidemiyanın təzyiqini bu dəfə öz hüdudlarından kənarda yayıldığı üçün, hiss etməyə davam edəcək.

Çin Milli Statistika Bürosunun rəsmi məlumatlarına görə, fevral ayında şəhərlərdəki işsizliyin səviyyəsi 6,2% -ə yüksəldi və bu ölkə üçün rekord həddə çatdı. "Macquarie"-nin baş iqtisadçısı Larri Hu-nun sözlərinə görə, bu ciddi bir rəqəmdir - son iki ayda beş milyondan çox insan iş yerini itirmişdir.

Məlumata görə, ötən ilin sonunda Çin şəhərlərində 442,5 milyon insan işləyirdi. O vaxtdan bəri 4.67 milyon nəfər işsiz qaldı. Milli Statistika Bürosunun nümayəndəsi ümid edir ki, ilin ikinci yarısında müəssisələr normal fəaliyyətə qayıdanda vəziyyət normallaşacaq.

Təhlilçilər isə daha az nikbindirlər. İşi bərpa etmək o demək deyil ki, müəssisələr dərhal əvvəlki fəaliyyətlərinə qayıdacaqlar. "Economist Intelligence Unit" tədqiqat şirkətindən Dan Vanq-ın fikrincə, bu il koronavirus nəticəsində yalnız Çində 9 milyon insan iş yerini itirmiş olacaq.

Sənaye statistikası göstərir ki, yanvar və fevral aylarında pərakəndə satışda keçən illə müqayisədə 20,5% azalma var. Onlayn satış isə 3% artıb. Sənaye istehsalı 13,5%, əsas kapitala qoyuluş 24.5% azalıb.

Morgan Stanley analitikləri ilk rübdə ölkədə ÜDM-in mənfi artımını bildirirlər. İstehsal gücünün tədricən bərpa olunmasına baxmayaraq, zəif məşğulluğun mart ayında davam edəcəyi ehtimal olunur. Üstəlik, virusun xaricdə yayılması səbəbindən Çin iqtisadiyyatına əlavə təzyiq Çinin planlaşdırdığı ÜDM-ə sürətlə çatmasına imkan verməyəcəkdir.

AdMarco analitiklərinin fikrincə, Çin iqtisadiyyatının böyüməsi koronavirus səbəbindən ən azı 1%, qlobal iqtisadiyyat isə 0,5% azalacaq. Bəlkə də vəziyyət daha da pis olacaq və qlobal iqtisadiyyatı real böhran gözləyir.

Mənbə: hightech.plus