Deputat: “Dövlətə, millətə heç kəs meydan oxuya bilməz”

“Dövlətə, millətə heç kəs meydan oxuya bilməz. Ölkədə elan edilən karantin qaydalarına hamı əməl etməlidir”.

Ens.az xəbər verir ki, bunu Oxu.Az-a açılamasında millət vəkili Asim Mollazadə deyib.

Onun sözlərinə görə, hamı hüququn aliliyini qəbul etməlidir:

“Hüquqi dövlətdə vəzifəsindən, külli miqdarda pulu olmağından asılı olmayaraq, hamı adi vətəndaş kimi qanun qarşısında baş əyməlidir. Hüquqin aliliyi təmin olunmalıdır. Əslində, məsuliyyət statusu yüksək şəxslərdə, məmurlarda daha artıq olmalıdır. Çünki onun məsuliyyəti  qanunvericilik və millət qarşısında daha çoxdur”.

“Tutduğu vəzifəsindən asılı olmayaraq, bu qaydaları, qanunları pozan şəxslər mütləq qanun qarşısında cavab verməlidir”, - deyə millət vəkili əlavə edib.

Qeyd edək ki, avqustun 18-də akademik Ramiz Mehdiyevin kürəkəni, keçmiş deputat İlham Əliyev və qudası Rövşən Mustafayevin övladlarının toyu baş tutub. Ölkədə karantin rejimi tətbiq olunduğundan bu qanun pozuntusu sayılıb və qanunamüvafiq tədbirlər görülüb. 

Bu gün Abşeron Rayon Məhkəməsində hər iki şəxs barəsində 15 sutka inzibati həbs qərarı çıxarılıb.