![Ərdoğan: "Geri addım atmayacağıq"](https://ens.az/images/news/6879de3c62335bc5b45a7fec3bfcb510.jpg)
Ərdoğan: "Geri addım atmayacağıq"
Türkiyə prezidenti Rəcəb Tayyib Ərdoğan 3-cü Parlament Rəhbərləri Konfransının açılışında çıxış edib.
Ərdoğan "Sülh Çemşəsi Hərəkatı”ndan danışıb. O bildirib ki, geri addım atmayacaqlar:
"911 kilometr sərhədimiz olan və Suriya rejiminin belə qəbul etmədiyi YPG/PYD-yə qarşı atdığımız addımı qətiyyən dayandırmaycağıq. Kim nə deyirsə-desin, geri addım atmayacağıq. Terror yüz illiyin bəlasıdır. Bir çox problem terror qəlibi altında gizlənib. Türkiyə 35 ildir terrorla mübarizə aparır. Problemi mənbəyində həll etmək qərarı aldıq. Şimali İraq və Suriyada keçirdiyimiz əməliyyatlar əsla bu ölkələrin ərazi bütövlüyü və suverenlik haqlarını hədəfə almır.
Fəratın şərqini olduğu kimi, qərbini də terrorçulardan təmizləyib sərhədlərimizin təhlükəsizliyini təmin edəcək, suriyalıların öz evlərinə rahatlıqla qayıtmalarına şərait yaradacağıq. Yeganə məqsədimiz terrorçuları yox etməkdir.
Bütün dostlarımızdan bu əməliyyat üçün dəstək gözləyirik. Biz kürdlərlə deyil, terror təşkilatları ilə mübarizə aparırıq.
Biz Suriyaya onu parçalamağa, bölməyə deyil, orada yaşayanların hüquqlarını qorumaq üçün getmişik.
Bizə sağdan-soldan əməliyyatları dayandırmağımız üçün təhdidlər edilir. Cənab Donald Trampa da, digərlərinə də əvvəlcədən dmeişdim ki, terrorçuları dayandırın, bacarırsınızsa. Amma eləmədilər. İndi də öz göbəyimizi özümüz kəsirik, geri addım atmayacağıq”. (Qafqazinfo.az)
Şərhlər
Şərhləri göstər Şərhləri gizlət