Galaxy Note 8 ilə iPhone 8 smartfonlarının müqayisəsi

Tezliklə iki smartfon bazarı lideri rəqabətə başlayacaq. Söhbət Galaxy Note8 və iPhone 8-dən gedir. iPhone 8 smartfonunun hələ təqdim olunmamasına baxmayaraq bizim bu cihazları müqayisə etmək imkanımız var. Bu iPhone 8 prototipinin yaradılması və məlumat sızıntılarının hesabına mümkün oldu

Dizayn

Hər iki cihaza baxarkən ölçülərdəki fərq nəzərə çarpır. Galaxy Note 8 rəqibini əhəmiyyətli dərəcədə üstələyir. Bunun yaxşı və ya pis olmasına sahibləri qərar verə bilər. Samsung smartfonunun qalınlığı 1mm artıqdır.

Displey

Hər iki cihaz minimal kənar çərçivə əldə edib. Galaxy Note 8 ekranı daha böyükdür və çərçivə elə də bilinmir. Apple mütəxəssisləri isə dinamiki seçmək və kameranı kiçik hissə ilə seçmək qərarına gəliblər.

Optika

Kameralar hər ikisində də möhtəşəmdir, lakin dizayna gəldikdə iPhone 8-də bu modul bir az səthə çıxır. Səbəb aydındır – korpusun qalınlığının azlığı.

Əlavələr

Cihazların aşağı tərəfləri tamamilə fərqlidir: Samsung-da hələ də audio çıxış var, Apple ondan imtina edərək onun yerində stereo dinamiklər yerləşdirib. Stilus ancaq Galaxy Note 8-də qalıb, Apple isə bunu ancaq iPad planşetlərində saxlayıb.

Nəticə: cihazlar arasındakı böyük fərqlərinə baxmayaraq onların hər ikisi öz populyarlığını saxlayır.

Müəllif: Famil Ələkbərov